7.-13.08.2005 - Sommerlager Bächlital

Sonntag, 07.08.2005, Anreise

Auf der Reise gabs nicht viel Spass,

beim Hüttenaufstieg wurden wir sehr nass.

Die Kleider trockneten im Keller,

oben gab es volle Teller.

nach dem Essen laut gesungen,

hat Manchem einen rauhen Hals gebrungen!

Des einen Freud ist des Andern Leid,

die einen nervten sich, trotz Neid.

Montag, 08.08.2005

Am 8ti häts hüt Z'morge geh

Dussä isch alles gsi vollä Schnee.

Trennt händ mir d'Morgätisch durch zwei

diä wo trinket Tee und kei.

Äs paar händ nid chönne widerstoh

Schneebällä dur d'luft flügä z'loh.

Aklimatisiert händ mir üs as Iis

denn diä tüfä Gletscherspaltä sind recht fis

Du muäsch ebä richtig gheie den landisch fi

Doch s'ufäziä muäss halt denn au si.

üses Motto isch gsi ''learning by doing''

das hät üs gmacht ganz hungrig

Aber au üsä Bergfüehrer dä Urs wend mir nid vergässe

är hät nämlich ä überdurchschnittlich gigantischi Frässä

Mit ihrer Gletscherspaltätour

hinderloht d'Ladina uf ihrer jagge nöd numme ei Spur

Dä gröscht Martin hät vergässe sin Sunnehuet

drum gseht mr sin rotä Grind jetzt recht guät

Zum Znacht hät dä Urs wieder kei Chäs übercho

d'Finger vo dä feine Spaghetti händ mir glich nid loh.

Dienstag, 09.08.2005

Hüt händ mir ä halbstund früehner müessä ufstoh,

dänn dä zmorge isch scho am halbi 8ti cho.

diä wo s'Gfühl gha händ sie chönget  ä chli meh,

händ hüt vom chlinä Diamantstock abe gseh.

Dä Höpli hät au ohni Chlädderfinkä,

uf em gipfel chönne us em Flachmah trinkä (mit ärä recht rote Büxs).

Gwüssi händ chli meh studiert,

und ihres Glück z'erscht im Chläddergartä probiert.

will sich im Heidiland üsi Erfolg scho z'fest händ uftürmt,

händ mr no dä Bächlibeach gstürmt.

Nachem abseile sind mr au no froh,

chömmer üsi forig Wärmi im Bergseeli loh.

Üsi chädderkollegä händ zwar nöd chönne begriffe,

sind denn so Wasserrattä am quitschä?

Am Obig simmer ali hungrig gsi,

nochem Znacht isch üsä träningstag scho verbi.

Mittwoch, 10.08.2005

Am 4i hät dä Wecker ahgfange lütä,

dä chaibe lärm söt mr verbütä.

Dänn das isch s'Zeiche dass Gruppe 1 jetzt us dä Federe muäss

Hüt gohts nämli uf dä gross Diamantstock und zwor z'Fuäss.

Diä andere chönd ä chli länger ligge bliebe,

sie tüend hüt dä chli Diamantstock bestiege.

D'Ladina häts nid chönne loh bliebe,

zum uf äm Gipfel äs äsämäs z'schriebee.

Dä Urs hät hüt sogar beidi Diamantstöck gschafft,

wonner am Ziel uf üs gwartet hät,  händ mirs gar nid g'rafft.

Susch isch nöd vill passiert,

nidemol bim Iistig sueche händ mir üs verierrt.

Donnerstag, 11.08.2005

Uff, endlich mol wieder uspennä,

Hüt müänd mr uf kein Gipfel rennä.

Ab goht's uf d'Chlädderplatte,

Touräträning alles mitenand goht hüt von stattä.

dä Simi hät hüt müässä än Fels kopierä,

dämit d'Eliane dä nögschti Griff hät chönnä usprobierä.

Dä Armin hät mit äm Prusik sini Kunststückli gmacht,

Wärem s'Schnürli abegheit, hetät mir recht glacht.

Hüt händ sich äs paar a üsem Ahblick d'Ärm verschränkt,

will s'Seili sich eher mittel geil het verhänkt.

Zum Znacht händ mir bi dä Älplermagrone recht zuegschlage,

d'Hüttewartin hät üs fasch müässe us de Chuchi jage.

Freitag, 12.08.2005

Hüt händ mir üs recht unbeliebt gmacht,

wel mir im Zimmer glärmt händ am end vo de Nacht.

Am 6.40 wär Zyt gsi,

los gloffe sind mir aber erst am zäh vor sibni.

Mir sind ufs Brandlammhorn gloffe

diä eintä fasch wie bsoffe.

Mir händ de Gipfel trotzdem gfundä,

und d'Wulche sind rechtziitig verschwunde.

Im Gipfelbuäch händ mir mit dä lingge hand underschribä

will mir nöd händ chönne dobeblibä.

Bim Abstieg hät sich de Corin ihren Prusik verhänkt,

und dä Helm hät sie innere Gletscherspalte versänkt.

Äs liehgt i dä Familie Gemperle wohl,

dänn dä Trudi isch i dä Kröntä diä Chugle au abegrollt.

Dä Simi hät noch em telefoniere d'Täsche nöd zue gmacht,

wos nateli dänn under dä Felsä gheit isch, hemor nümä glacht.

Dä durchschnittlich Martin hät müässä kämpfä gegä zwei Schlangä,

d'Route Phyton hät äm Mühä gmacht und vom Michi dä Kopra het er sich nid dörfä lo fangä.

Am letschte Tag häts uusgrechnet no Polenta gäh,

diä einte händ vo däm nümme welä meh.

Samstag, 13.08.2005

Heute durften wir sehr lange pennen,

bei Regen mussten wir ins Tale rennen.

Ums Alpenbrevet kämpften sie am Grimselpass,

Im Zug, da machten wir hingegen einen Jass.

Kein Materialverlust und kein Unfall ist zu verzeichnen,

Martin's Freude wird ins Undendliche reichen.

Ein fätziges Lager ist schon vorbei,

wir sind sicher es gibt mindestens noch zwei oder drei oder...

Corin Gemperle

Irene Schweingruber